ممكن تفتحى الكام؟؟؟؟؟؟؟؟؟؟

بصراحة كدة الموضوع دة كتيييييير اتكلمو فية ومقدروش يوصلو لحل لان الموضوع مش سهل زى م احنا فاكرين بيبقى الموضوع فى الاول مجرد تسلية بالنسبة للبنت بالنسبة لموضوع الشات عامة بس شوية بشوية يبدا يتطور ويدخل فى حوارى وشوارع تانى.... على العموم بالنسبة لردى على السؤال ؟
انا عمرى مفكرت أعمل حاجة زى كدة يمكن علشان حاجتين ..
أولا : انى مش متخيل ان ممكن واحدة يوصل بيها الموضوع لكدة فكنت شايل اصلا الموضوع دة من تفكيرى او بمعنى اصح كنت متوقع الرد سواء كان صح او غلط وهو استحالة .
ثانيا : اى حد عندة اخوات بنات اكيد وضعه نفس وضعى وتفكيرة نفس تفكيرى بعكس اللى معندوش .
شكرا ليكى على الموضوع الجميل دة ومستنيين اكتر

[ثانيا : اى حد عندة اخوات بنات اكيد وضعه نفس وضعى وتفكيرة نفس تفكيرى بعكس اللى معندوش .

ميرسى لردك الجميل ده وانا مبسوطه جدا انك بتحط اخواتك البنات

مكان اى بنت بتكلمها وربنا يكرمك

على فكره انا دخلت الموضوع ده مرتين وكل مره عايز ارد اقول بلاش بس لما اتنرفزت قلت انا لازم اردعلشان عارف انى ردى مش هيعجب حد
بس مش مهم
اولا :انا بالنسبه ليا انا عمرى مطلبت حاجه زى كدا من بنت لان الكلام مش بيكمل بس بجد لو انى العلاقه ما بينا بقيت قويه فمن الضرورى انى اطلب منها تفتح الكام مش عشان حاجه عشان اشوفانا بكلم واحده قد ستى ولا واحده ولا......

ثانيا :هى ليه اساسا تفتح الكام هو هيضربها ولا مطالبه اوامر ما ربنا قالها صلى وهى مش بتصلى باباها قلها اعملى كذا وكذا وهى ولا هنا اشمعنه ده اللى لازم تنفذ اوامره
انا شايف البنت هى المسئوله بنسبه 99% .
ارجو انك تحترمى وجهه نظرى ولو حد عنده اعترض يقولى يمكن اكون فاهم الموضوع غلط
شكرا

بصوا ياجماعه هو موضوع مهم جدا
انا هقول رأية ومتأكده انه مش هيعجب حد
الواحد لما يكلم حد ويوصل بيه لدرجه العشره زى مابتقولوا بيكون عنده حب استطلاع انه يشوف الانسان ده شكله ايه وعايز يشوفه
وكمان فيها ايه لو البنت فتحت الكام لولد او اى واحد تكون بتتكلم معاه من مده
هى لو واثقه من نفسها خلاص
هو هيشوفها بس هيعملوا ايه يعنى
طيب ماهى بتمشى فى الشارع وبتروح شغلها وبتركب مواصلات بيشوفها شباب كتير وفيها ايه باه لو شغلتله الكام طالما فى حدود المعقول يعنى تكون لابسه لبس كويس ومحترم وحاطه طرحه
ده رأية اكيد فى منكم مش هيعجبه
بس اختلاف الراى لا يفسد للود قضيه

لتانى مرة بقول ان الموضوع دة يا جماعه مش سهل زى م احنا فاكرين ... اسمحولى ارد على كلام ماربيل : مش هقولك لو انتة عندك اخوات بنات هقولك لو انتة حصلت وصادفت معاك انك كلمت واحدة وطلبت منها انها تفتح الكام .. ونفذت طلبك مش كدة وبس لا حصل ارتباط رسمى بينكو .. وروحت اتقدمتلها .. مش هتيجى فى يوم وتقول انها فتحت ليك الكام يبقى اكيد فتحت لغيرك واكيد كلمت غيرك .. اكيد لو مرضيتش تفتح ليك الكام كانت هتتلغى الفكرة دى من عندك اصلا .
بالنسبة ل نور القمر : اكيد انتى كتير بتخرجى فى الشارع وبتكلمى ناس كتير .. بس ممكن اسالك سؤال ؟ اية الفرق انك وانتى راجعه من شغلك تركبى عربية واحد صاحبك او تركبى تاكسى ؟ انتى فى كلتا الحالتين راكبة عربية مع راجل لوحديكو ... شكرا ليكم على الاراء الجميلة دى وانا بحترم وجهات نظركم كلكم وعاوز اعرف وجهة نظر منه فى الموضوع دة .

السلام عليكم ورحمة الله وبركاته

انا مبسوطه جدا ان الموضوع ده ادانا فرصه كبيره للمناقشه

بالنسبه لرأيى فى الموضوع ده انا محترمش فكرة ان الشاب يطلب من البنت

انها تفتح الكام وانا مع رأى كابتشينو لما بيقول ان الشاب ده لو

اخته مكان البنت دى مش هيحبلها كده وحتى لو اتقدملها هيكون

متردد ديما وهتكون علاقه بينهم مش كويسه

اللهم استرنا فوق الأرض وتحت الأرض ويوم العرض عليك

[center]

يا جماعه انت بصين للموضوع من ناحيه تانيه خالص
انا من وجهه نظرى انى اللى يقع عليه اللوم هنا هو البنت مش الولد ليه؟؟؟؟؟؟؟؟
اقولك انا ليه لان الولد طلب منها انى هى تفتح الكام لو هى بجد محترمه مش هتوافق ولو حتى العلاقه مابنهم باظت ايه المشكله مدام انى هو مش خايف عليها يبقى مع الف سلامه
- وانا عايز اعرف هو مين اللى بيدوس على accept وهو بيفتح الكام الولد ولا البنت
- وبالنسبه للاخوات البنات انا عندى اخوت بنات بس بجد لايمكن فى مره انى اسمحلها انى هى تعمل تشات كفايه الفاظ اللى بتتقال لما بس بندخل الغرفه تخيل بقا لو بتكلم حد بقى.
- انا مش بقول للولد انت لازم تخليها تفتح الكام وتشوفها
بس انا لازم اعرف انا بكلم مين لو هى رفضت هيزيد احترامى ليها ولو وافقت فده على مدى تقديرها للشخص اللى بتكلمه وثقتها فيه ومش كل الاولاد اتقلبوا وحوش وخلوا البنات هى الفريسه